Hugmyndin var að tengja borgina við sjóinn með síkjum og einnig fimm mikilvægum byggingum á mikilvægum stöðum sem tengdu höfnina saman. Byggðin yrði láreist við sjóinn en hækkaði inn að miðjunni, þannig myndi vindurinn fara yfir byggðina en ekki inn í hana. Dómnefnd kaus hins vegar að verðlauna tillögu sem gerði nánast ekkert í Örfirisey. Okkar tillaga gerði hins vegar ráð fyrir því að smátt og smátt myndi iðnaðurinn víkja fyrir íbúðum, en einungis til 50 ára.